KELAS 3 BAHASA JAWA (PARIWISATA)
Assalamualaikum anak anakku kelas 3 kepiye kabarmu, muga-muga sehat lan aja lali semangat sinau. Tetep njaga kesehatane lan aja lali ndonga marang gusti Allah SWT.
NYEMAK
Wacanen Sing Titi !
KEBUN BINATANG
Ulangan umum semester siji mentas bae rampung. Bocah-bocah mung kari
ngenteni bijine. Dongane bocah-bocah, muga-muga bijine bisa apik. Sawise ulangan
semesteran mesthi libur suwene seminggu. Ing liburan mengko bocah-bocah kelas 3
arep darmawisata. Sing dituju kebun binatang Surabaya. Sababe bocah-bocah kelas
telu durung tau menyang kebun binatang. Dadi senenge ora jamak. Ing batin
kepengin banget enggal-enggal budhal.
Dina sabtu watara jam 06.00 bocah-bocah kelas telu budhal numpak
bis mini. Kalebu Budi, Darti, Sumi, Parmi, lan Badhu. Bocah kelas telu seng
cacahe ono 32melu kabeh. Budi lungguh
ing samburine Pak Sopir. Jejer karo Darti, Sumi, lan Parmi. Badhu lungguh ing
mburi, awor karo kanca-kanca liyane. Budi pancen bocah meneng, ora akeh omonge.
Beda karo Darti. Darti iku pancen seneng ngomong. Dadi kanca-kancane ing sakiwa
tengene ora ngantuk. Sumi bocah sing seneng maca. Ing njero bis dheweke panggah
maca. Parmi seje maneh, bocahe ngantukan. Kanca-kancane guyon dheweke turu ing
njero bis.
Sing beda karo kanca-kancane iku Badhu. Dheweke rada bandhel, ora
gelem lungguh. Mung mloka-mlaku ing njero bis, karo nggodha kancane. Pak Guru
kanthi sabar lan tlaten ngetutake bocah-bocah. Bocah-bocah dipundhutake karcis,
kanggo melbu. Budi lan Darti seneng ndheleng gajah. Sumi lan Parmi luwih seneng
ndheleng badhak. Badhu bocah sing rada bandhel, dikandhani bola-bali kareben
ora nyedhaki kewan galak sing bebayani, ora ngrewes.
Bocah-bocah seneng banget ndeleng kewan-kewan sing akeh jinise. Sajake
bocah-bocah wis padha marem atine. Mulane matur Pak Guru supaya enggal mulih. Tekan
omah padha crita marang bapak lan ibune.
Wangsulana pitakonan-pitakonan ing ngisor iki !
1. Menyang ngendi bocah kelas telu anggone darmawisata?
2. Budhale dina apa lan jam pira?
3. Sapa bae sing lungguh ing secedhake Pak Sopir?
4. Coba aranana jinise kewan-kewan sing ana ing kebun binatang!
5. Kepriye watake siji-sijine bocah, Pak Guru, sing dicritakake ana wacan mau?
Basa ngoko lan krama alus
Tuladha:
a. Bapak kaliyan ibu badhe tindak Surabaya (basa krama alus)
b. Bapak karo ibu arep menyang Surabaya (basa ngoko)
c. Eyang lenggahan kaliyan mirsani TV (basa
krama alus)
d. Embah lungguhan karo nonton TV (basa
ngoko)
Garapen kaya tuladha :
1.
a. Kula sowan mriki.
b. .......................................................
2. a. Panjenengan kula aturi rawuh mriki
b. ..........................................................
3. a. Kala wingi eyang kondur
b. .........................................................
4. a. Kula dipun timbali Pak Guru
b.
.........................................................
5. a. Kula
aturi nyare mariki
b. ........................................................
Belum ada Komentar untuk "KELAS 3 BAHASA JAWA (PARIWISATA)"
Posting Komentar